“Сондор хилэн” төвийн ЦАГИЙН АНГИУД

“Сондор хилэн” төвийн ирэх сарын сургалт 05 сарын 01-нд эхлэх бөгөөд, энэ сараас бүтэн өдрийн ангиудаас гадна, цагийн ангиудыг өргөн сонголттойгоор хичээллэх аж. Монголчуудаа англи хэлтэй болгоход 10 жилийн  турш амжилттай ажиллаж буй  “Сондор хилэн” төв үйл ажиллагааныхаа цар хүрээг тэлж өглөөний 06.30 цагаас үдшийн 22.30 цаг хүртэл ийнхүү хичээллэх болсон нь олон хүний талархалыг хүртээд байгаа аж. Учир нь урин дулаан цаг ирж, элсэлтийн шалгалтад бэлдэх,  гадаадад тэтгэлэгээр суралцах зэргээр амьдралаа төлөвлөж буй хүмүүсийн хувьд энэ  нь маш чухал сонголт болж байгаа юм.

Бүтэн өдрийн ангид сурах цаг зав  багатай хүмүүст зориулан тэдний хүсэлтийг үйл ажиллагаандаа тусган өглөөний 06.15 цагаас үдшийн 22.30 цаг хүртэл цагийн өргөн сонголттой 7 төрлийн ангитай болжээ. Өглөөний анги 06.15-08.15, 08.30-10.30. Өдрийн анги 10.30-12.30, 12.30-14.30, 14.30-16.30. Оройн цагийн анги  16.30-18.30, 18.30-20.30. 20.30-22.30 хүртэл хичээллэнэ.

Цагийн ангиуд нь урд нь зөвхөн анхан шатнаас эхэлдэг байсан бол энэ удаагийн элсэлтээс анхан, дунд, гүнзгий шатны ангиудтай болсон байна. Бүтэн өдрийн нэгдүгээр шатны  ангийг төгссөн оюутнууд, оройгоор гүнзгий ангид суумаар байна гэсэн хүсэлт их гаргадаг тул оройн 16.30-18.30, 18.30-20.30 цагуудад гүнзгий шатны анги  хичээллүүлэхээр болжээ.

Хичээллэх өдөр:Ажлын таван өдрөөр дөрвөн долоо хоног.

Цаг: 60 цаг

Түвшин: Анхан шат, Дунд шат, Гүнзгий шат

Төлбөр: 250.000


Монгол багштай ярианы сургалтаа ирэх сараас эхлүүлэхээр боллоо

Англи  хэлний мэдлэгийг цогцоор нь системтэйгээр заадгаараа олонд танигдаад буй “Сондор хилэн” англи хэлний төв төгсөгчдийнхөө хүсэлтээр монгол багштай ярианы ангийн  сургалтаа эхлэхэд  бэлэн  болжээ. Сүүлийн хоёр жилд судалгаа шинжилгээ хийсний дүнд ярианы  ангийн хөтөлбөрөө  боловсруулж ийнхүү 5 сарын 1-нээс  эхлэн сургалтаа эхлүүлэхээр болжээ. Англи хэлний суурь мэдлэгээ сайн тавьсан, дүрмийн  мэдлэгтэй  хүмүүст зориулагдсан тус ангийн сургалтаа С.Төмөрбат  багш өөрөө удирдан явуулах гэнэ. Дүрмэнд суурилсан ярианы цогц хөтөлбөр боловсруулсан учраас англи хэлний дүрмийг ашиглан хэрхэн ярих аргачлалыг заах тул үр дүнтэй сайн сургалт болно гэдэгт С.Төмөрбат багш итгэлтэй байгаа аж.

Бидний өдөр  тутмын  амдралд найз нөхдийн, албан ёсны, энгийн ярианы гэх зэрэг ярианы олон хэлбэрүүд үйлчилдэг. Тиймээс мэндчилэх, танилцахаас өгсүүлээд амьдралын алхам тутамд хэрэглэгддэг ярианы хэлбэрүүдийг төрөлжүүлэн заахаараа энэхүү сургалт амьдралд ойр сургалт болох аж. Гадаадад очиод онгоцны буудалд буух,  зочид буудалд очих, рестарон орох зэрэгт өөрийгөө  хэрхэн илэрхийлж ойлголцох талаар сэдэв бүрт  жүжигчилсэн байдлаар заах тул гадаадад аялах, ажиллаж амьдрах зорилготой хүмүүст хамгийн  тохиромжтой сургалт болох аж. Суралцагсдынхаа цаг завд тааруулан өглөөний анги, оройн анги гэсэн сонголттойгоор сургалтаа явуулахаар болжээ. Өглөөний анги нь 08.30-12.30 хүртэл хичээллэх бол, оройн  анги нь 18.30-22.30 хүртэл академик цагаар зургаан цаг буюу хагас өдрөөр хичээллэнэ.


Онлайн цуврал хичээл №24

https://www.youtube.com/watch?v=8U7AsBzBEt4


Онлайн цуврал хичээл №23

https://www.youtube.com/watch?v=eR389q8Tg10